احمايه من الهكر مهم جدا

( المقدمه )
السلآم عليكم ورحمة الله وبركآته
كيف حآلكم أخوآني .. أن شآء الله الكل بخير .. وأن شاء الله الكل مستآنس
هذآ الكتآب يحتوي على شروحآت لحمايه نفسك من الهكر ويحتوي على دروس صفحآت صور و فيديو
وعنوآن هذآ الكتآب : طريق الحمآيه من الهكر

أنتشر أسم الهكرز بين النآس وخاصتاً مستخدمين الانترنت .. لآنهم عآنو من هذا النوع من سرقه بيآنآتهم وتدمير اجهزتهم وتجسس عليهم
فأصبح الهكر مثل الافلام المرعبه وحش يخآف منه من أي مستخدم للانترنت ..
ولكن للأسف 98% من يتعلم الهكر وأسآليبه يستخدمها في الشي السلبي لآ للآيجآبي
وأغلب النآس يضنون بأن الهكر مآلهم أمأن .. أو أنهم نآس غير موثوق بهم
لكن بالصح .. فيه نوعين او شخصيتين ينقسم الهكر :
والنوع الي نفتخر فيه كهكر مسلمين .. مثلاً يجيك وآحد هكر شآفله موقع يسب الاسلآم أو شيعي أو يهودي .. الخ طبعاً المسلم فيه غيره على دينه
يجيك أخونآ في الله ويخترقه .. ويغير الصفحه الرئيسيه إلى صفحه تعرف الإسلام وكلمآت جميله عنه .. لعل وعسى أن يسلم أي وأحد من الي
يدخلون الموقع هذآ .. بالله هذآ مأنفتخر بـه !!
ونفس الحآله مع الاجهزه .. ينسخ المستندات الي تعرف الاسلام وكلمآت جميله عنه
وفيه ناس يستخدمون الهكر وخبرتهم واكتشافهم للثغرآت .. لحمايه أنفسهم ..
و عندك النوع الثاني الي يسمونه الهكرز ( اطفآل الهكرز )
مأذآ يفعل هذآ الطفل .. أنآ أقولكم مثآل من أمثله كثيره ..
مثلاً يجيك هذآ الطفل أكتشف ثغره بأحد السكربتآت الي تمكنه من اختراق الموقع أو حتى أختراق السيرفر بأكمله
يقوم طآير فرحآن .. ويبحث عن الموآقع المصآبه بقوقل .. ويلقى مثلاً موقع مصآب .. وهذا الموقع على سيرفر أستضافه أحد الاشخآص الي رزقه
من هذي الاستضافه وحياته كلها يعتمد عليهآ .. ويجي يخترق المواقع الي على السيرفر بسبه ثغره على احد المواقع
ثم مأذآ !! هذآ الشخص صأحب الاستضافه المسكين يلقى شكآوي جت عليه بسبه الاختراق وتطيح سمعه السيرفر
ومأفيه زبون عنده مستضيفين بح .!! بالله قولوي هذا الشخص وين يروح ؟؟
وهذآ مثآل من الامثله .. الي عندي
فآ نهآية الكلام .. أوجه كلامي إلى الهكر ( كل شي تفعله مسجل عليك .. وبتلقاه يوم القيآمه )
ولأ تنسون دعوه الظآلم مستجآبه .. لو دعى عليك صاحب الاستضافه او صاحب الموقع .. بأن يشل يدك بأن الله لا يوفقك .. الخ
ودعوه الظالم ليس بينها وبين الله حجاب ..
المهم
فآ أنآ عشآن كذآ .. بذكرلكم طرق لحمآية نفسك من هذولي الاطفآل
وهذا الكتآب مخصص لحمايه الاجهزه فقط !!
وأمأ بالنسبه للموآقع والسيرفرآت قريباً بإذن الله
وأتمنى أنهأ تحوز على رضى الله ثم رضآكم
قبل لا تشآهد الشروح هنآك توضيحآت بوضحهآ عشآن تكون عآرف وفآهم ماتمر عليك نقطه مانتب فاهمهآ ..
1 ) الفرق بين البآتش والفيروس :
البآتش : أو يسمونه server سيرفر يعني بالعربي الخآدم .. هذآ ياطويلين العمر تقدر تسميه مثلاً كالمتجسس اذا وجد بجهازك الهكر
يقدر يلعب بجهازك لعب ..
بس شلون طريقته !! وكيف يسويه الهكر يعني اي هكر يقدر يلعب بجهازي
انا اقولك كيف آليه عمل الهكر لما يجي يرسلك بآتش
أول شي يفتح برنامج الاختراق وفيه برامج كثيره زي البوزين والبيفروست والشل ..
يقعد يكونله باتش يحط بياناته فيه تقدر تقولون زي رقم جواله يحطه بالباتش ويسوي تكوين ويلقاه الباتش في مجلد البرنامج نفسه ..
ولمآ يرسل الباتش الى الضحيه بآي طريقه من الطرق سواءً يدري الضحيه او مايدري ..
يفتح الباتش والباتش علطول يتصل بـجهآز الضحيه .. عقبها يلعب بجهازك لعب ..
الفيروس : بالنسبه للفيروس هذا يدمر الجهاز بعض الفيروسات تشتغل تلقائيه ويصاب الجهاز مثل مرض الانفلونزا .. أجآرنآ الله منه ..
وبعضهآ تشتغل لما الضحيه يفتح الفيروس .. وتختلف انواع الفيروسآت .. وأخر صرخه من الفيروسآت الي هي يقفل الجهاز ومايشتغل الا لما ترسل للهكر فلوس ..
شكل الي سو الفيروس .. طفرآن .. خخخخخخخخخخخ .. أو أنه مدآن بشي .. وأصلأ أغلب الحرآميه الي يسرقون الفلوس يكونون محتاجين أو مديونين .. وانتم تلاحظون الشي بانفسكم ..
ماتحسون اني طولتها ..
2 ) كيف يتم أختراق جهآزي ؟
أنأ أقوووووولكم
عندكم الطريقه التقليديه عن طريق الباتش : ووسائل طرق ارسال الباتش كثيره فيه منها طرق بدائيه و احترافيه
عندك .. يرسلون الباتش عن طريق المآسنجر يضغطه بالوينرار أو أي برنامج ويقولك شوف هالبرنامج ..
أو يلغمون موقع أو صفحه .. وتدخله انت ويتحمل الباتش في جهازك
أو يدمجون الباتش مع برنآمج أو صوره أو فيديو أو أي ملف كآن
أو يجيب الـ ip حق جهازك بآي طريقه او خدعه مثلاً يقولك ادخل هالمنتدى وانت صاحب المنتدى تروح للوحة التحكم
وتطلع الـ ip حقه .. وفيه طرق كثيره للحصول على الـ Ip وبعدين اذا الهكر خذا الـ ip من اي طريقه .. يروح يفحص المنافذ الي بالجهاز
هناك منافذ مهمه لازم تكون مفتوحه .. والهكر مايقدر يدخل منهآ يعني مايستفيد منها
لكن فيها منافذ خطيره زي منفذ الـ ftp الي هو 21 وايضاً منفذ 80 ..
يعني لو لقى من احد المنافذ الخطيره مفتوحه بجهازك .. يقدر يدخل على جهازك من الدوس وينفذ اوامر ويقدر يرسل الباتش ويشغله
وعندك الطرق الاحترآفيه الي العرب مآيعرفونهآ الا قليل
عن طريق ثغرات نظام الوندوز أو ثغرات بالبرامج
مثل في الفتره الماضيه نزلت ثغرآت طفح النظام بفر اوفر فلو في البرنآمج الشهير Real Player 11
وأنأ أرآهن أن أي جهآز بالعآلم مركب هالبرنآمج .. يعني ثغره قوويه
طبعاً هذي الثغره يستخدمها المحترفين يترجمونهآ بجهآزهم ولازم يكون الجهاز مركب عليه نظام Linux
يجيب Ip جهآزك وفيه طرق كثيره للحصول على الاي بي
لما يترجم الثغره يحط الاي بي حق جهازك .. واذا كان مصاب .. قول Good Luck My Copmuter ..
وكذأ انتهينآ من النقطه هذي ..
3 ) هذي النقطه مهمه جداً .. الي هي تركيب البرامج بجهازك المهمه .. مو أي برنامج ثبته عندك بالجهاز .. لان يمكن فيه ثغره يسويلك طفح
في النظام .. يعني الحين شوف البرامج الي ماتستخدمها نادراً واحذفها .. ووقت ماتحتاجها ثبتها واستخدمها ولما تخلص منها احذفها
وبالنسبه للبرامج المهمه الباقيه الي تستخدمها دأيم .. أنصحكم بانكم تحدثون البرنامج تسووله update في بعض البرنامج تلقون مكتوب عليه update اضغطو عليه وحدثوه .. أو اذا مالقيت ادخل على نفس موقع البرنامج ونزل اخر اصداراتهم ..
4 ) عدم أختيار الباسووردآت السهله مثل 1234 :
فيه بعض الشباب الله يهديهم يختارلك باسوورد سهل سواءٍ لايميله أو بياناته في موقع .. وكذا يكون سهلت الهكر من الوصول لبياناتك
أو مثلاً .. يحط رقم جوآله .. يآشبآب لا تحسبون الهكر أغبيآء تراهم 24 ساعه يفكرون لو حطو براسهم شي وانا منهم ..
وعشآن كذآ أنصح .. الشباب .. بانهم يحطون باسوورد صعب رموز
مثل :
#@%&^@#$@#%$*&^@#
صدقني لو صعبته وحطيته بهذي الرموز .. الكيلوجر مايصيده الرقم السري .. تخيلوووووو
يعني كذا صعبت طريق الوصول ألى بياناتك
5 ) المتصفح الاكثر اماناً هو Mozilla Firefox
أنتبهو يآشبآب لهالنقاط !!
وكذا أنتهينآ من جميع النقآط المهمه
:: فهرس الشروحات الوصول السريع ::
لمشآهده الدرس أضغط على عنوآن الدرس
الدرس الأول : حمآيه الجهآز حمآيه أوليه
الدرس الثاني : تركيب برنامج حمآيه مع طريقة تحديث البرنامج تلقائياً ويدوياً
الدرس الثآلث : كشف الروآبط الملغمه ببآتش أو فيروس
الدرس الرآبع : طريقه كشف البرامج المدموجة ببآتش أو فيروس
الدرس الخآمس : مرآقبة الرجستري لكشف مفتاح الرجستري حق الباتش
الدرس السآدس : مراقبة عمليه المعالجه بجهازك لكشف الباتشات بجهازك
الدرس السابع : موقع مايكروسوفت الرسمي والخاص بحمايه النظام بالكامل
الدرس الثامن : برنامج Port Killer يساعدك على كشف عمليات التجسس